Page 167 - ibrahim_tennuri_gulseni_niyaz

İkinci Bölüm | Metinler

Müşteri ister kumaşın satmağa
Varlığına dahi varlık katmağa

Akl-ı cüziyi âlemün mi’mârıdur
Bu cihan sevgüsinün ol yâridür

Kethüdâdur bu cihan şehrinde ol
Işka gönül beyki kaçan bula yol

Düşdi âşık dilberinün derdine
Atdı âlem sevgüsini ardıne

Âşıka hazretden irer mayide
Âkıle sütliden irer faide

Âşıkun gönli güli hiç solmadı
Kendüzinden taşra zevkı olmadı

Şem’u şahidi ışk ışkı oldı şarâb
Çenk ü nayu şeste ûd u rebâb

[69b] Hâsıl oldı ışka “hakka’l-yakin”
Kendüzinden buldı her ıyş-ı yakin

Kendüzine gelmeyince ademi
Seyir kılmaz onsekiz bin âlemi

Vay ana kim taşradan zevk isteye
İştiyakı olmaya şevk isteye

Hâl ile yoldaş olanlar kâli kor
Kendüzini dad bulanlar bâli kor

Dad İbrahim gerekse dili tut
Kim gönül rızkından iresegil kut

Dil makâmında iken olmaya mukîm
Tevbe kıl “estağfirullahe’l-azîm”

167