Page 165 - ibrahim_tennuri_gulseni_niyaz

İkinci Bölüm | Metinler

Sözile aldayımazsın sen beni
Urıtur zindana iltüdem seni

[68a] Didi ben binsaydüm ayağuma
Yüriyu varayıdum otağuma

Kalmışım bu yol üzere bîçâre
Yokdurur idraküm ü aklum yâre

Gark olan başı ayağı nedir
Bir mücerred ruh olan yağı nedir

Işk elinden nûş kıldım camı ten
Fârig ol yarânide dem damı ben
Dânesin rızkun neider bed-nâmlar

Ben eğer aklıyla bî-zâr oldum
Şeyhler gibi dükkandâr oldum

Muhtesib bu derde bulmadı ilac
Kimse yalıncaktan almadı harac

Geldük imdi bu mesel takririne
Bil sözin aslı nedür ma’nisi ne

Muhtesib aklu ve mest oldı gönül
Anınçün mey-perest oldı gönül

Bu gönüldür ışk-ı câmın nûş-iden
Gizli maşûkıyle başı hoş iden

Bu gönül oldı ezelden ışka yâr
Işka uymaz akl-ı cüzvi yil kovar

[68b] Akl diler gönli yoldaş eyleye
Bu cihan lezzetlerinden aş eyleye

Bu gönül hod ışk ile dirlikdedür
Işkı bâkî ölümsüz dirlikdedür

165