Page 166 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Dirliğinden ayrı olur mu nefes
Işkdan ayrılmadı gönül dahi pes

Işkdan ayru yaradılmışdur gönül
Işk nûrınun çerâğıdur gönül

Dili fetile oldı yağıdur gönül
Gül gibi ışka açılmışdur gönül

Aklu zühdiyle münâcat ehlidür
Ol gönüldür harâbat ehlidür

Işk oldı bu harâbat iy amû
Yavi vardı anda akıllar kamû

Işkdur yani ezel meyhânesi
Ol hakikat bahrinün dürdânesi

Işk isim oldı bilinmez resmi ne
İsme irendür ki irdi resmine

Güni görmek şerh ider dil söylemez
Zahmidur ûdun veli kıl söylemez

Işk şâhınun gönüldür çadırı
Işk ma’ni oldı gönül defteri

[69a] Âlemin varlıkları oldı kadeh
Her kadehden buldı gönül bin kadeh

Ol kadeh nakşında akl oldı cünûn
Anınçundur her işte zûfitûn

Camı niderler şarabı olmasa
Bağrı niderler kebabı olmasa

Akl bâzârı ister ve dükkânı var
Her hünerden bir metâ’ ü kanı var

166