Page 157 - ibrahim_tennuri_gulseni_niyaz

İkinci Bölüm | Metinler

Hem anasır dahi dört oldı yine
Merkeb olmışdur bular kim can bine

Can tutacak kim bu merkeb dizginin
Tangrı peygamber bana nedür kenin

Doğmayınca iki kez bir âdemi
Seyr kılmaz onsekiz bin âlemi

Bu se’adet şeyhden irşâd ola
Müşkil işler hâl olur üstâdına

[63b] Ol mesellerden nice ma’ni dahi
İdeyim kılmadum anı iy sahi

Ol mesel kim biliş meselden biri idi
Şerh kılmadum anı tâ ahiri idi

Bilki maksudum kemâhiyi andadur
Bu kamû dürler sedefdür anda dürr

Ol evün kim bacası bir yalunuz
Gözgüsiyle gören olurdı yüze yüz

Gün geçicek ol dericeden yine
Karşu olmaz güneşe ayine

Bir dahi ol evin ol envarıydı
Seyr kıldıkça güneşe yol vardı

Gözgü ol evden bulurdı pertevi
Şem’ite rûşen iderdi evi

Hoş meseldür ikisi dahi bî-misâl
İdeyin sen dahi dinle bî-melâl

Ev kim anda yalınuz bir baca var
Din û şer’ issi ülü’l-azm oldılar

157