Page 194 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

[86a] Kimya anlarun vücudın bil
İremez el ana gerçi söyler dil

Rehber-i kâinat anlardur
Sadef oldı âlem anlar dürr

Anlarunçün bu çarh-ı sergerdan
Anlarun içun müzeyyen oldı cihan

Yâri şâh-ı çehâr-yâr oldı
Şer’i evi anlarunla var oldı

Yâr-ı ğâr itdi yâr Bûbekri
Hak kelâmında böyledür diğeri

Cümle varlıkların unutdılar
Ne cihan ne can ğamın yidiler

Çünki ol derdün oldı can tabib
Değdi herbirine kemâl-i nasib

Netekim canile anâsırdur
Cansuzdur dahi kasırdur

Canile çün kim ten bula birlik
Olmasun hâsıl olmaya dirilik

Pes bu ilmekde hâsıl oldı kemâl
Karışıcak yinür oldı yağ ile bal

Birlik içinde buldılar biri
Mak’adı sıdk anlarun pîri

[86b] Anların vasfı gayeti yokdur
Bu kemâlün nihayeti yokdur

Dinle dördünci yâr kimdügin
Anı dahi ne kimsedür diyin

194