Page 197 - ibrahim_tennuri_gulseni_niyaz

İkinci Bölüm | Metinler

İki âlemce kıymetün vardur
Niçün dûn himmetün vardur

Himmeti yüce olanlar Hüma oldı
Nice gümrah rehnüma oldı

Cîfe zâğun durur heman nitsün
Göresin işin rehnüma netsün

Şahbazün şikârı pak gerek
Şah elinden yedüre tâ ki börek

Bülbüle gül gerek nider harı
Karğanun çöplik oldı gülzârı

Her birinün gıda vü menzili var
Hâlini vasf kılmağa dili var

[88a] Ehl-i diller gıdası hikmetdür
Ehl-i kil canı it etmekdür

Böyle bahş eylemiş kaza vü kader
Kimin aşı zehür kimi şeker

Varsa aklun imdi fikr eyle
Ni’mete irdünse şükr eyle

Neyi kim sevsen oldur kadrün
Kande kim kalasun oldur sadrun

Nisbetün nefis mi veya akla
Yolunı anla hâlini sakla

Can ise sevdügün revan oldun
Cisim ise aslı hâkdan oldun

Nisbetün seni asluna çekiser
Zahmetüne göre merhemün ekiser

197