Page 205 - ibrahim_tennuri_gulseni_niyaz

İkinci Bölüm | Metinler

Cihan zindan bu zindanı sevmek
Yahud baykuş gibi virânı sevmek

Sa’adet ehline layık değüldür
Meğer anlara kim sâdık değüldür

[92b] Anınçün didiler bu mülke diyni
Neyini kim beslediysen yine yir sesi

Kimi bir lahza güldürse çoğ ağlar
Ağudur kime virse balı yağlar

Ayağın aldı kime verse boyun
Cihanın varlığıdür cümle oyun

Cihan sermayesi tûl-i emeldür
Her işi fitne mekr ü değaldür

Niçeyi aldatdı tûl-i emeller
Kamu sanduklarına uymaz eller

Nice umidler kim toprağ oldı
Döküldi yire sankim yaprağ oldı

Gözün varise guristâna var bak
Gülen tenler nicesi oldı toprak

Kani ol servi kadler taze yüzler
Kani bülbül diliyle tatlu sözler

Kani ol gözler ü kaşlar dudaklar
Kızıl gül yaprağı gibi yanaklar

Kani o zülf-i anber pîç der pîç
Kamu varlıklar anda hiç der hiç

Fena denizinde gark olmış temâmet
Ne resm ü ismi vardur ne alâmet

205