Page 210 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

İşidün kıssasını enbiyânın
Kıyas it hâlin andan evliyânın

Kim uydı onlara buldı necâtı
Kim uymadıysa mevt oldı hayâtı

[95b] Cihan tufânına bes Nuh elindür
Kogıl bu cismi elden ruh elindur

Kimin yoldaşı Nuh olsa gammı yok
Dökendür güci matemi yok

Deniz geçmekliğe Musâ gerekdür
Göke erişmeğe İsâ gerekdür

Taleb kıl ehl-i diller sohbetini
Bulan bildi bûların kıymetini

Kim anlara irin maksûda irdi
Bulanlar âbidi ma’bûda irdi

Vesile Hak yolında evliyâdur
Yola girmeklik anlarsuz hatâdur

Veli anları bulmak müşkil işdür
Deliyle söylemekden bir saf işdür

Mürid olan kişi gördi murâdı
Özinden dâd alanlar buldı dâdı

Kimün kim elde vardur ıhıyarı
Yakini ol bulıser toğrı yâri

Temamet varlığından geçmeyince
Gözyaşı yaşın yola saçmayınca

Ciğer başlı yüzi sardırmayınca
Taleb yolundı gayet irmeyince

210