Page 215 - ibrahim_tennuri_gulseni_niyaz

İkinci Bölüm | Metinler

Yedi kat yire göğe sığmayan nûr
Bu gönül zerresinde oldı manzûr

Eğerçi zerredür sûretde lakin
Hakikat âfitâbı anda sakin

[98b] Eğerçi katra oldu bu süveyda
İçinde gark olıpdur cümle derya

Şikeste olmayınca gönlü kaçan
Saray idindi ol sultan-ı cânân

Gönüldür Arşı Rahmanı gönüldür
Gönüldür ma’rifet kâni gönüldür

Gönül kuyı dolu ma’ni şarâbı
Niçün cuşinin irişmez hıtâbı

Bu ten balçığı perde oldı
Hayatun çeşmesi hâşâ ki doldı

Giderğil aradan cismün hicâbın
Ki her dem içesin cânun şerâbın

İre ma’ni elinden çün kadehler
Bulasın her kadehden bin ferahlar

Kohusıyla kana’at kılma zinhâr
Kuhudan mest kaçan ola husiyâr

Safâsı oldurur kim mest u hoş
Olasın olmaya gönlünde teşviş

Gide dünya gamı dilşad olasın
Te’allukdan kamû azad olasın

Çü varlık levhinin nakşin yuyasın
Vücudundan bikûlli el yuyasın

215