Page 213 - ibrahim_tennuri_gulseni_niyaz

İkinci Bölüm | Metinler

Yiründe sabit kullukda kâim
Yüz urup yire şah önünde dâim

Muradun cemi işün cümle âsân
Benüm hâlüm aceb niçün perişan

Bu müşkildür, bana hal eyle hânum
Ki gide gönlüm içinden gümânum

Didi hâliyle perde ana ey yâr
Havâb işit süâlün kılma tekrâr

Çû boynun sen uzatdun âsumâna
Kodum ben başumı bu âsümâna

Kişi kim da’viyle çekdi boyın
Bükilüb son ucı dâl etdi boyın

[97b] Sanavber yüce oldı yâri yokdur
Yüceldi servi ağacı nökeri yokdur

Bes alçaklıkda irdi kadre iren
Hilâl olmışdur evvel bedre iren

Denize düşicek bir katra yağmur
Deniz katında kendüzin görür hor

Dir anda kim ola bu bahr-i a’zam
Ne kıymet bulıser bir katra şebnem

Hakaret göziyle çün göre özin
Sadef bir eyler ana iki gözin

İşin ana irişdüre İlâhî
Kim olur ad dürri padişâhı

Gör ol bir katra yağmurun hisâlin
Ki alçaklıkda kesb itdi kemâlin

213