Page 209 - ibrahim_tennuri_gulseni_niyaz

İkinci Bölüm | Metinler

Garaz fani ve cevher kâim oldı
Zevâl irmez ana kim dâim oldı

Murad insan dimekden pes nazardur
Nazar derya gönüllerden güherden

Nazar can gözüdür cânânı gözler
Ana görindi cümle gizlü yüzler

İrirse ten yanar bu göz çerağı
Ademden irişür zira ki yağı

[95a] Bu gözün sürmesi yoklıkdan irdür
Güneşden yiği anıniçün nûrı yokdur

Keşefnâ çekdi ol göze sürme
Bu varlık sürmesini zinhâr sürme

Yerü var kim serâser göz olasın
Kamû gözler içinde yüz olasın

Fena garbında her can kim tolundı
Bakâ varlığı ol candan bulundı

Fenâ sundı eline câm-ı vahdet
İçicek buldı şoldem zevk-ı vuslat

Ena’l-hak dirse ayb olmaya ol
Çü evvell mukbilidi sonra makbul

Ne iş işlerse işi kudret oldı
İş issi birdür ol dek alet oldı

Kime cân virdi kimin cânın aldı
Kime merhem kimün dermânın aldı

Kim anı sevse Hakk’ı sevdi mutlak
Kim ana düşman olsa sevmedi Hak

209