Page 214 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Yücalık bir serâdur bilgil anı
Olur-alçaklık anun nerdübanı

Yücalık has oldı kibriyânun
Gidergil fikrini kibir ü riyânun

Fena alçaklığ ü rif’at bakâdur
Fena gözgüsine herdem baka dur

Ki ol ayineden görindi bâkî
Şarabı ol kadehden verdi sâkî

[98a] Haberdür fahr-i âlem Mustafâ’dan
Mehabbet bahri ol kâni safâdan

Didi kim alçak olsa Hak yüceldür
Alem perdeyle ikisi hoş meseldür

Alem gibisini a’lâ yiter gör
Yüzüni perde gibi toprağa sür

Vücudunda bulursun bu misâli
Hakikat anlayanın her hayâli

Alem ne oldı perde sende kimdür
Kim olmışdur sadef zâtunda kim dürr

Gönüldür perde bu sûret alemdür
Gönül harf oldı bu sûret kalemdur

Muallakdur gönül sûret yücedür
Bilürsin ikisinün vasfı nicedür

Bu sûret yüce gönül alçak oldu
Anın hak varlığı bu gönle doldı

Bu sûret mahv olur gönül çürimez
Görürsin mum erir nûr erimez

214