Page 212 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Niçün sen içerü ben taşra olam
Eğer sen kulisen ben dahi kulam

Tenüm inceldi yollar zahmetinden
Yüzüm sarardı tozlar mihnetinden

Ağaç yaprağı gibi titremekler
İşüm her lahza bî-kâr u emekler

Nebir lahza karar idüp dölenmek
Nebir dem dinlenüben tekyelenmek

Kanadum var lîkin uçmazam
Ayağum tozğını açamazam

Temur bendile bağludur ayağum
Kıyas it gör ne yir oldı turağum

Elinde her hasîsün hâr u zârem
Dikelsüz ıldız ile bi-karârem

Benüm kullıkda sevüyem senden artuk
Veli sencileyin âsâyişüm yok

[97a] Senün işün ferâğatdür hemişe
Selâmet sana huyı oldı hemişe

Öpersin gül yanaklular elini
Görürsün sim tenlüler kolını

Teferrüç kıluben şahun cemâlin
Bularsın renc ü zahmetsüz visâlin

Haremsin padişahun mahremine
Bilürsün şah kimdür mahremi ne

Günilersin sakınursın nazardan
Melek yüzlüler dâim beşerden

212